Unterhaltung

Elke Weisath

Kategorie: Buckenreuther Literaten

Frühe bin ich vurwärd's ganga¬ -hott mich es Neua und Moderna interessiert, heit geh' ich rückwärt's, will bluß nuch es Alda und Ursprünglicha dehald'n -odde iss dess etz vurwärt’s?

Neben Bäuera saa hou ich nuch a poor annera Vorlieb'n u.a. lesen und meina Gedank'n aufschrei'm. Des hott mich auf Buckerath und ze die Literaten gebrocht. O'hfongs hou ich ümme bluß zug'hürt und die besondera Gemütlichkeit dort genossen.Bis ich mich getraut hou, a amoIl was dezu ze soung.

Bist wie a Katz
Bist wie a Katz,
fauched und beißed-
freundlich und schnurred,
schmeuchelst dich noo
und streunst widde fort,               
süggst dä a warms sichers Plätzla -
ich ko me obbe be dir -
nier siche saa!


Winter
Winde iss
wenn die Stolln gebaggn wänn
und´s im ganzn Haus
noch Plätzla riecht.
Winde iss
wenns in dä Stumm schöh warm iss
und du kosd dich
noun Kachelufn setzn.
Winde iss
wenns daun richtich kold iss
wenns knackt und knatzt
be jedn Schritt.
Winde iss
wenn noched alles weiß iss
wennsda Spurn sühng kost
im Schniea.
Winde iss obbe a
wennsda ald und grau bist und allaa
wennsda verwirrd wäsd
und nümme wasd wersda bist.
Winde iss a
wennsda in dein Bett liegsd
und aufs Schterm wardst.
Hoffentlich komme noched a nuch Spurn finna –
ve dein Lehm.

---